Топлотниот бран убива комарци
Објавено во: Свет 09 Август, 2018
Фински експерти за инсекти соопштија дека топлотниот бран кој ја зафати и оваа земја ги уништило комарците кои во некои области целосно исчезнале особено во Лапонија, на северот во државата.
Јука Салмела од Покраинскиот музеј во Лапонија за локалните медиуми изјави дека високите температури опустошиле типични места каде живеат комарци, како плитки езера и други важни подрачја, и дека ги има многу помалку отколку во изминатите години. Инаку, во Финска се регистрирани околу 40 видови комарци.
Финска бележи едно од најтоплите и најсушни лета, а тимпературите во некои области достигнаа до 33 степени. Високи температури се регистрирани и во области над Арктичкиот круг, каде се наоѓа третина од површината на Финска.