Тракторите се повлекуваат: Eвзони уште затворен-грчките блокади удрија врз бизнисот
Објавено во: Балкан 17 Февруари, 2017
Тракторите од блокадите во Западна и Централна Грција почнаа да се повлекуваат.
Блокадата кај Серес исто така се подготвува за одблокирање. Што ќе се случи на останатите места ќе се решава денес на собранија на земјоделците.
Засега затворена останува само границата со Македонија. Блокадата нанесе огромни штети по трансферот на стоки од пристаништето „Солун“.
Разврската уследи по состанокот со вицепремиерот Драгасакис. Фармерите не добија решение на повеќето барања, но Владата се обврза да достави до парламентот за гласање некои олеснувања во даночната и осигурителна програма во земјоделскиот сектор.
Реално грчките фармери немаат и време да продолжат со протестите, бидејќи започнува обработката на земјоделското земјиште. Тие веќе добија бенефиции за нанесените штети од тешката зима.