Трамп одобри прогласување на вонредна состојба во Вашингтон
Објавено во: Свет 12 Јануари, 2021
Претседателот на САД во заминување, Доналд Трамп одобри вонредна состојба во Вашингтон, главниот град на САД, соопшти Белата куќа, откако претставниците на американското спроведување на законот предупредија на можни немири пред инаугурацијата на новоизбраниот претседател Џо Бајден.
Трамп ја одобри уредбата за продолжување на федералната поддршка до 24 јануари за да може да се решат вонредните ситуации во Вашингтон.
На овој начин, Федералната агенција за управување со вонредни состојби може да „идентификува, мобилизира и обезбеди опрема и ресурси потребни за справување со последиците од вонредната состојба“.
Ова се случува откако приврзаниците на Трамп упаднаа во Конгресот на САД на 6 јануари поради непотврдените тврдења дека се украдени изборите. Во насилството загинаа пет лица.
Во понеделникот, Федералното биро за истраги (ФБИ) предупреди на можни вооружени протести во сите 50 држави и главниот град на САД за време на инаугурацијата на Бајден на 20 јануари.
Градоначалникот на Вашингтон, Мурил Браузер, испрати писмо викендов во кое бара поголема безбедност за инаугурацијата поради „хаос, повреди и смрт“ во Капитол на 6 јануари.
Од Министерството за домашна безбедност побарано е да ја продолжи вонредната состојба за да им овозможи на федералните и локалните агенции подобро да се подготват за инаугурацијата и побара од ФБИ дневни разузнавачки извештаи и извештаи за закани од 11 до 24 јануари.