ТРГНАА ОД ГРЦИЈА КОН ЕУ: Позната е бројката на мигранти
Објавено во: Свет 20 Февруари, 2019
Скоро 70 илјади мигранти има во Грција и нивна цел е да се упатат кон земјите на ЕУ. Ова го изјави министерот за безбедност на Босна и Херцеговина, Драган Мектиќ, нагласувајќи дека тоа предизвикува загриженост за земјата. Се стравува дека голем број од мигрантите на патот кон ЕУ ќе ја одберат балканската рута.
Мектиќ вели дека загриженост претставува дневниот прилив на мигранти од Турција и Грција, кој како што вели е близу 300 лица дневно, но и можноста за тргување на мигрантите.
Мигрантите кои се наоѓаат во северозападниот дел на БиХ, се надеваат дека ќе успеат илегално да преминат во Хрватска. Министерот вели дека дел од овие мигранти оваа недела ќе ги вратат во Сараево и дека меѓу мигрантите сместени во прифатните центри биле идентификувани шест лица кои на одреден начин се поврзани со тероризам и некои терористички активности.
Инаку, 270.000 мигранти се упатија кон Европа, но спречени се да стигнат во европските земји.
Сепак Турција го запре бранот мигранти. Министерот за внатрешни работи на Турција, Сулејман Сојлу, деновиве изјави дека во 2018 година во Турција, при обидот да заминат во ЕУ, се запрени 268.003 мигранти кои немале уредни документи.