Ципрас се заколна пред Уставот наместо пред Грчката православна црква

Добивај вести на Viber

Алексис Ципрас, лидерот на Сириза, ја положи заклетвата и стана најмладиот премиер на Грција во последните 150 години. 40-годишниот Ципрас, кој е атеист, положи секуларна заклетва дека „ќе го почитува Уставот“ и „секогаш ќе им служи на интересите на грчкиот народ“, со што уште на почеток ја прекрши традицијата според која новиот премиер се колне пред поглаварот на Грчката православна црква. Ципрас прекрши уште една традиција и на свеченоста за полагање на заклетвата стигна без кравата, зашто вообичаено не ја ни носел. Грција ја доби новата влада по кратки преговори меѓу Сириза и партијата на Независни Грци. Иако имаат спротивни политики, заедничко за двете партии е што се спротивставуваат на „тројката“ меѓународни кредитори на Грција и мерките за штедење кои досегашната влада на Андонис Самарас ги воведе како услов да добијат финансиска помош од ЕУ и Меѓународниот монетарен фонд. Информацијата за постигнат договор меѓу двете партии негативно влијаеше на финансискиот пазар и индексот на Атинската берза ослабна за речиси 4 отсто. Рускиот претседател Владимир Путин му ја честиташе победата на Ципрас, истакнувајќи дека Русија е подготвена да соработува со новата влада, како и дека е убеден оти двете земји ќе продолжат да ја развиваат традиционалната конструктивма соработка во сите области.