Учениците можат да доаѓаат во костими за капење на училиште и да се разладуваат

Добивај вести на Viber

Поради високите термператури, првачињата во Аргентина можат да одат на училиште во костими за капење.

Училиште во градот Росарио донело одлука во согласност со која учениците од пониските одделенија можат да доаѓаат на настава во костими за капење и да се прскаат со вода за време на одморот.  Многу училишта минатата недела прекинаа со часови затоа што немаат клима уреди и чекаат да се намали температурата.

Но, училиштето во Росарио, град оддалечен 310 километри од Буенос Аирес, не може да користи клима поради низок напон, па одлучи да ја прекине наставата во средните училишта.

Проблемот, сепак, е покомплексен, со децата од одделенска настава кои не можат сами да останат дома затоа што нивните родители работат, поради што училиштето нашло решение.

„Одлучивме учениците кои сакаат, можат да го следат часот во костим за капење и сандали, а да имаат пешкир и облека за пресоблекување. Одморот ќе го поминат под сенка, а не на сонце и можат да се прскаат со вода од цревата за да се изладат“, напиша управата во писмото до родителите, како што пренесува Ла Капитал, дневен весник од Росарио.

Аргентинците го живеат најжешкото лето од почетокот на мерењата во 1906 година во Буенос Аирес, односно најтопло од 1961 година на ниво на државата. Поради жешкото време, Аргентина ќе има до 30 отсто пониски приноси на пченка и соја. Од 28 февруари наваму, во Буенос Аирес температурите се 30 степени. 

Фото EPA/AARON M. SPRECHER