Учениците од Источниот регион ќе се вклучуваат во иновативни проекти преку ,,Предизвик за млади истражувачи’’
Објавено во: Мои пари 20 Декември, 2017
Новиот јавен повик на Фондот за иновации и технолошки развој, што се работи во соработка со Министерството за образование - ,,Предизвик за млади истражувачи’’ беше претставен денес во преполната сала во општинската зграда во Штип.
Заинтересираните професори од средните училишта и наставниците од Штип и околните општините Кочани, Пробиштип, Св. Николе, Карбинци, Чешиново-Облешево и Зрновци беа запознаени за деталите на овој пилот проект на двете државни институции. Имено, повикот кој официјално започна на 30 ноември и ќе трае до 15 февруари, се однесува на проекти од природните и техничките науки, а активностите треба да соодветствуваат со наставните програми. Тимовите што ќе работат на истражувачките проекти може да бидат составени од 3 до 7 ученика, и од максимум два наставника, а самите активности не смеат да надмина повеќе од 6 месеци.
Присутните покажаа особен интерес за повикот бидејќи нуди можност за награда за најуспешните апликации во висина од 300,000 денари, а опремата што би се набавила со финансиите останува во училиштето. Исто така, награди се во висина од 30,000 денари се предвидени и за најсупешните наставници, односно професори.