Украинските борци од Азовстал завршија во поранешна затворска колонија

Добивај вести на Viber

Бороците од челичарницата „Азовстал“ во украинскиот град Мариупол, завршија во поранешна затворска колонија која е под контрола на руската армија.

Украинската влада се надева дека за брзо време ќе ги размени за руски војници кои беа заробени. 

„Сè уште не заминале сите. Повеќе од половина веќе заминале, повеќе од половина веќе го оставиле оружјето и си заминале со бело знаме“, изјави Денис Пушилин лидерот на самопрогласената Народна Република Доњецк.

Руските медиуми објавуваат снимки од предавањето на украинските војници во челичарницата Азовстал во Мариупол. Досега над илјада војници на украинските вооружени сили, меѓу кои и припадници на нео-нацистичкиот батаљон Азов, им се предадоа на Русите. 

Москва не открива дали неколкуте стотици војници кои се предадоа ќе бидат третирани како криминалци или воени заробеници.

Советникот на украинскиот претседател Олексиј Арестович, Украина во никој случај нема да се откаже од својата територија, а единствена опција за помирување, е пораз на Русија.

Според украинскиот претседател Володимир Зеленски, руските наводи за употребено ласерско оружје сведочат за неуспехот на инвазијата.  Тој верува дека ќе ги вратат окупираните територии. 

Веќе 85 дена Русите и Украинците војуваат во Украина.