Уште еден брод со украинско жито пристигна во Истанбул
Објавено во: Свет 07 Август, 2022
Бродот Ројен, кој исплови под малтешко знаме од пристаништето Черноморск, натоварен со 13.000 тони пченка, стигна до брегот на Истанбул.
Ова е уште еден брод што превезува жито како дел од договорот потпишан на 22 јули од Турција, Украина, Русија и Обединетите нации (ОН) со цел да се обноват испораките на украинското жито од пристаништата на Црното Море.
Како што јавува Анадолија, бродот „Ројен“, чија крајна дестинација е Велика Британија, ќе биде закотвен во Истанбулскиот Теснец, каде тим составен од претставници на Турција, Русија, Украина и ОН ќе изврши инспекција на бродот, по што бродот ќе го продолжи патувањето.
Се очекува и бродот Поларнет, кој плови под знаме на Турција, и кој превезува 12.000 тони жито, наскоро да влезе во Истанбулскиот Теснец.
Министерството за одбрана на Турција во петокот соопшти дека три брода со вкупно 58.000 тони пченка тргнале од украинските пристаништа за Турција, Велика Британија и Ирска.
Во понеделникот од украинското пристаниште Одеса исплови првиот брод со жито, кој потоа го продолжи патувањето од Истанбул до Либан.
Можеби ќе ве интересира
ЛИДЛ ГО ИСФРЛА ЦЕЛОТО МЕСО ОД АСОРТИМАНОТ: Еве ги деталите и што значи тоа
Крвави 12 часа во Шведска: 3 лица загинаа во улична војна на бандите, премиерот бара помош од армијата
ШВЕДСКА - ДИВ ЗАПАД, КРВАВА ВОЈНА МЕЃУ БАНДИТЕ: Премиерот бара помош од војската
БОМБАШ САМОУБИЕЦ СЕ РАЗНЕСЕ НА ВЕРСКИ СОБИР, 52 ЛУЃЕ ЗАГИНАА: Во напад во Пакистан има и над 50 повредени
ИЗНАЈМУВАЊЕТО СТАНОВИ НА НЕКОЛКУ ДЕНА СТАНУВА ЛУКСУЗ: Еве каква промена воведе Њујорк, не се први
Koj остава свински глави пред домовите на руските пропагандисти?
РУСИЈА СЕГА ГИ ДРЖИ КОНЦИТЕ: Купија ланец трговски центри
На улиците на Британија има нови двосмерни камери за брзина - еве како функционираат
