Уште една жртва од експлозијата во Романовце, засега само уште еден преживеан
Објавено во: Македонија 29 Февруари, 2020
Почина уште една жртва од експлозијата на плинска боца во кумановско Романовце, со што бројката се сведе на шест загинати од вкупно седум кои се најдоа на погрешно место во погрешно време во куќата во кумановското село.
Како последица на силни изгореници, жена во возраст на 50-60 години починала во раните утрински часови, потврдуваат за Алсат од Клиничкиот центар „Мајка Тереза“ во Скопје.
Во моментот на експлозијата пред една недела од плинската боца претходно на самото место загинаа три деца на возраст, од осум, девет и единаесет години. Набрзо потоа 58-годишниот маж подоцна им подлегна на повредит по интензивно лекување на Клиниката за неврохирургија во Скопје. 36-годишната жена која беше повредена при експлозија на плинска боца во кумановското село Романовце почина пред неколку дена..
Во несреќата беа повредени седум лица, кои се здобиле со висок степен на изгореници. Пожарот бил изгаснат од Противпожарната единица од Куманово. За случајот е известен јавен обвинител и увидна екипа од СВР Куманово, кои се упатиле на местотот на настанот со цел утврдување на причините кои довеле до несреќата.