Уште нема пари од имотот на Даравелски и Сејдиу, а не пак од „бомбите“

Добивај вести на Viber

Фатон Асани, директорот на агенцијата за управување со одземен имот, за Телма изјави дека се уште не е парично реализирана конфискацијата на имотот на поранешниот директор на царинската управба Драган Даравелски и тутунскиот бос Бајруш Сејдиу, а не пак од случаите од „бомбите“ чии пари актуелната власт подолго време најавува дека ќе ги врати во буџетот и ќе ги впише на бројчаникот на „Порта Македонија“.

- Не зависи само од нас, туку и од постапките во самите судови, каде што се одвиваат процесите. Таму има случај за замрзнат имот од 17 милиони евра, но не е завршен до крај - изјави Асани.

Додаде дека од 45 вработени во агенцијата, 27-мина биле чувари на депоата.

Во случајот „Труст“ конфискацијата на имотот на „Трансмет“ е веќе завршена. Досега е замрзнат имот во вредност од 459.952.842 денари и движен имот од 427.138.000 денари. СЈО сака остатокот од вредноста за обештетување на државата да ја надополни со вредност на имотот на РИК „Силекс“.

СЈО во случајот „Талир“ го замрзна имотот на ВМРО-ДПМНЕ во вредност од 17.500.000 евра, во кои најголема вредност има партиското седиште во Скопје. Или вкупно под мраз се куќи, станови, деловен простор во вредност од 17 милиони и 500-тини илјади евра.

Истовремено, пари вратија новинарката Ивова Талевска за неплатен данок и екс-градоначалникот на Центар, Владимир Тодоровиќ, за тендер за мост.