Добивај вести на Viber
Во Грција невработеноста се искачи до 27,6 отсто во месец јули. Ова споредено со 27,5 отсто претходниот месец е нов раст во земјава. Како што објави националниот Институт за статистика, работа немаат 1,36 милиони лица што претставува раст од 10 отсто во однос на лани.
И покрај најавите за излез од рецесијата, грчката влада очекува само благ раст на вработените во текот на идната година. И покрај скромните охрабрувања, стапката на невработеност сепак се прогнозира дека ќе остане енормно висока од 26 отсто.
Според претставниците на Синдикот на грчките работници во приватниот сектор ГСЕЕ, невработеноста ќе расте и понатами, до 30 отсто во текот на идната 2014 година.
Грчките власти предвидуваат раст во економијата догодина, но со едвај о,6 отсто. Ова е значајно бидејќи првпат од почетокот на кризата земјата ќе има позитивен раст.