Утре во Собранието влегува предлогот за новиот состав на Владата
Објавено во: Македонија 25 Август, 2020
Предлогот за
состав на идната влада и нејзината програма најверојатно ќе биде поднесен утре
во Собранието, а денеска се чека да бидат верификувани мандатите на новите пратеници
кои ќе ги заменат своите претходници, бидејќи тие ќе имаат функции во Владата.
Инаку, ова следува по информациите од ДУИ, дека лидерот Али Ахмети успеал да ги смири несогласувањата и незадоволството во самата партија, а тоа е предлогот Артан Груби и Бујар Османи да бидат министри за политички систем и за надворешни работи во новата влада на Зоран Заев. Имено, Ахмети ги убедил оние кои се противеле да гласаат за владата, па дури и Изет Меџити и како и екс-директорот на Центарот за јавно здравје, Арбен Зибери. И двајцата изјавија дека ќе гласаат за новата влада, кои се клучни зашто власта има „тенко“ мнозинство од 62 пратеници.
Според најавите, во текот на викендов може да биде составен новиот владин кабинет, а 13-та Влада на Македонија, која ќе ја предводи Зоран Заев ќе брои 19 министри.