Утврден датумот за летно сметање на времето
Објавено во: Македонија 22 Март, 2018
На 60-та седница на Владата на Република Македонијаа донесена е Одлуката за денот и моментот на воведувањето и денот и моментот на завршувањето на летното сметање на времето за 2018 година.
Според одлуката, летното сметање на времето во 2018 година започнува на 25 март во 02 ч. 00 мин. 00 с. така што со поместување за еден час нанапред времето во 02 ч. 00 мин. 00 с. се смета како 03 ч. 00 мин. 00 с. .
Летното сметање на времето во 2018 година завршува на 28 октомври во 03 ч. 00 мин. 00 с., така што со поместување за еден час наназад времето во 03 ч. 00 мин. 00 с. се смета како 02 ч. 00 мин. 00 с. .
Оваа Одлука е во согласност со член 5 од Директивата 2000/84/ЕС OJ: JOL2001031R002101 на Европскиот парламент и на Советот од 19.01.2001 година за договорите за планот за летното сметање и Информацијата на Европската Комисија во сообразност со член 4 од Директивата, објавена во Службениот весник на ЕУ бр. C 61, 17.2.2016.
Донесувањето на оваа одлука придонесува кон следење на долгорочната економска политика на Република Македонија за асоцирање кон Европската Унија, како и водење сметка за непречено функционирање на одредени сектори не само за транспорт и врски туку и други сектори од индустријата кои бараат стабилно и долгорочно планирање.