Вардар-Копенхаген натпревар од висок ризик - Посебни мерки на безбедност
Објавено во: Македонија 23 Јули, 2017
Натпреварот меѓу Вардар и данскиот тим Копенхаген кој се игра на националната Телеком Арема во Скопје е прогласен за меч од висок ризик за што ќе бидат применети посебни мерки на безбедност. Управата на ФК Вардар исто така ги повика фановите да навиваат коректно без навреди кон УЕФА, ФИФА или противниците.
Вардарци и данскиот тим ќе се соочат во вторник, а од Вардар апелираат гледачите да дојдат на стадион најдоцна до 19.30 часот, кога има наредба од УЕФА да се затворат вратите на „Телеком арената“.
„Натпреварот Вардар – Копенхаген е прогласен за меч од висок ризик. Ги молиме сите кои ќе присуствуваат на стадионот, да стигнат порано за да се избегнат големите гужви на стадионот. Вратите на стадионот ќе бидат отворени од 18 часот, а по наредба на УЕФА ќе треба да се затворат во 19:30 часот. Исто така Ве замолуваме да не носите со себе чанти, тврди предмети, парички, запалки, во спротивно ќе Ви бидат одземени на самиот влез на стадионот“, велат од ФК Вардар.
Ова е прв натрпевар од третото квалификациско коло за Лигата на шампионите. Вардар претходно го елиминираше шведски Малме.
Исто така доби и дозвола да игра на стадионот во Скопје наместо во Струмица каде нема соодветни услови за натпревар од Лигата на шампиони, а ниту еден друг стадион во Македонија не е во тој ранг. Да постетиме до играњето на Супер купот на УЕФА на 8 август стадионот во Скопје беше целосно затворен за употреба.