(ВИДЕО) „ЅВЕРОТ ОД ИСТОКОТ“ НЕ ИМ МОЖЕ НИШТО: На студ се капат во река
Објавено во: Балкан 02 Март, 2018
Иако во цела Европа е екстремно студено, сепак членови на пливачкиот клуб Атос од Брчко, БиХ се капеа во студената Сава.
Овие луѓе велат дека никогаш не ги прекинуваат тренинзите без разлика на температурите.
„Тоа не влијае на нашето здравје. Кога ќе влезете во студената вода чувствувате како крвта од екстремитетите ви оди кон торзото. Чувствувате еден одреден мир. Кога ќе излезете од водата крвта ви се враќа во тие делови и се чувствувате фантастично“ - вели Александар Тутиќ, од клубот.
Неколку членови на Атос веќе четири години секој ден пливаат во реката.
За нив времето не игра никаква улога затоа што си задаваат нови цели.