(ВИДЕО) Човек се спаси од напад на алигатор - ги ставил рацете во неговата уста и го оттурнал
Објавено во: Свет 19 Август, 2022
Човек на Флорида доживеа хорор откако го нападна алигатор, но се спаси и вели дека тоа е чудо.
Алигатор долг 3,65 метри го нападнал пожарникарот Хуан Карлос Ла Верде (34) во езеро во градот Тампа. Ѕверот го нападнал Ла Верде додека тренирал за триатлон.
Искусниот триатлонец успеал да ги стави рацете во устата на алигаторот, го отттурнал од главата и градите и допливал назад до пристаништето каде што самиот се јавил на 911. Потоа случаен минувач го однел во болница.
Повредите што му ги нанел влекачот биле толку тешки што на Ла Верде му била извршена итна шестчасовна операција за реконструкција на дел од черепот и вилицата, според страницата GoFundMe на која се собираат пари за неговото лекување. Според извештаите, се очекува тој да биде подложен на уште најмалку една операција на черепот.
„Замавнав со десната рака и почувствував заби. Мислам дека веднаш се обидов да му ја отворам устата. Кога ги почувствував забите, веднаш знаев. Кога ги отворив, знам дека го свртев него или тој ме сврте мене. Сепак, тој беше збунет, исто како и јас, а потоа само ме пушти“, изјави Ла Верде, поранешен член на еден од спасувачките одреди на Военото воздухопловство на САД.