(ВИДЕО) Додека Оланд зборува наоколу се пука - двајца се повредени
Објавено во: Свет 01 Март, 2017
Две лица се повредени откако полициски снајперист случајно пукнал од оружјето за време на говор на францускиот претседател, Франсоа Оланд.
Оланд попладнеtо говорел во Вилоњон, Шарант, во западна Франција, на пуштањето брз воз меѓу Париз и Бордо, кога неговиот говор бил прекинат од пукање од огнено оружје.
Истрелот јасно се слуша на снимките од местото на настанот.
„Се надевам не беше сериозно“- изјави Оланд и го продолжил говорот.
Безбедносниот механизам на оружјето не бил вклучен кога снајперистот, кој се наоѓал во близина на еден од покривите, се сопнал кога ја менувал позицијата и по грешка пукал од снајперот, објави весникот Ле Паризиен. Куршумот завршил во шаторот во кој Оланд давал изјава.
Две лица се здобиле со повреди на нозете. Според француските медиуми, тие не се сериозни. Еден од нив е келнер, а другиот е член на екипата-организатор на настанот.
По говорот, кој траел околу 20 минути, Оланд се видел со повредените, на кои им била укажана лекарска помош. Се води истрага за настанот.