(ВИДЕО) Два од шесте руски авиони стигнаа во Белград
Објавено во: Балкан 03 Октомври, 2017
Првите два авиони МиГ-29 од специјалната испорака од Русија до Србија пристигнаа на воениот аеродром „Батајница“, кој се наоѓа северозападно од Белград.
Преостанатите четири авиони треба да пристигнат пред 20 октомври. со цел тие да бидат претставени на парадата по повод Денот на ослободувањето. На парадата треба да присуствува и рускиот министер за одбрана, Сергеј Шојгу. Се претпоставува дека ремонтот на половните руски ловци, Србија ќе ја чини околу 200 милиони евра.
Со ова Русија почна да ги доставува шесте ловци МиГ-29 во Србија, чекор што, според оценките може да ги продлабочи тензиите на релација Исток, Запад на Балканот.