(ВИДЕО) НАД 12.000 ДОМОВИ СЕ ПОД ВОДА: Поплави ги погодија Русија и Казахстан
Објавено во: Свет 12 Април, 2024
Русија и Кахастан се борат со поплави какви немало со децении. Во Оренбург, град со 500.000 жители, на околу 1.500 километри од Москва, водата се очекува да достигне рекордно ниво. Над 12.000 домови се под вода.
Русија објави дека ситуацијата е „многу напната“ затоа што нивото на водата продолжи да расте во градот Оренбург и околните области.
Нивото на водата во реката Урал во близина на Оренбург во средата се искачи на повеќе од 10 метри, јави новинската агенција Риа.
„Големи количества вода пристигнуваат во нови региони“, предупреди портпаролот на Кремљ, Дмитриј Песков.
Сезонските поплави предизвикани од топењето на снегот од планината Урал, доведоа до евакуација на голем број луѓе од целиот регион Оренбург.
Покрај тоа, реката Урал, третата најдолга во Европа, во текот на викендот ја проби браната во блискиот град Орск.