(ВИДЕО) ОГРОМНИ БРАНОВИ: Осум жртви во поплавите во Шпанија
Објавено во: Свет 22 Јануари, 2020
Делови од Каталонија се поплавени со морска пена, гигантски бранови има на Балеарските Острови, при што осум луѓе загинаа.
Во источна Шпанија беснее бурата Глорија, придружена со ветрови од 144 километри на час и бранови високи до 13,5 метри.
Властите прогласија алармантни временски услови во неколку региони.
Три лица се водат за исчезнати четири дена откако Глорија започна да го поплавува регионот со пороен дожд и обилен снег.
Бурата денес почна да се повлекува, откако повеќе од 200.000 луѓе привремено останале без електрична енергија.