(ВИДЕО) Што остана од античкиот град Палмира по терористичката окупација
Објавено во: Свет, Стил 27 Март, 2016
„Пустинскиот бисер”, како што го нарекуваат древниот град Палмира, беше национално богатство не само за Сирија, туку и за целиот свет.Токму затоа тој беше цел на Исламската држава, бидејќи зад себе има историја од 2000 години од постоење и древни статуи и храмови кои терористите секојдневно ги уништуваа.
По заземањето на контрола на повеќе од 50 отсто од сириската територија од страна на „Исламската држава“, оваа античка оаза веќе не е тоа што беше.
Видеото е направено од птичја перспектива, а на него се гледаат рушевини, уништени згради и архитектонски објекти.
[embed width="700" height="450" ]https://youtu.be/zFHcIm9F41w[/embed]Инаку, вчера по долги борби во текот на ноќта и со голема помош од руската авиација, сириската војска успеа да ја врати контролата врз Палмира. Ослободен е и стариот град и станбените објекти.
Тие успеале да ги притиснат силите на Исламската држава да се повлечат он Сохне, Ракот и Деир Езор – областите кои владеат во северниот и источниот дел на Сирија.
„Нашите војници воспоставија целосна контрола над градот и ги бркаат остатоците од терористичките банди на Исламска држава, кои се повлекуваат“, вели командат на сириската армија во соопштението.
[embed width="700" height="450" ]https://www.youtube.com/watch?v=wWzCwE9ipBg[/embed]Ова е најжестокиот напад откако пред три недели почна офанзивата на сириската армија и на сојузничките милиции за да ја преземат контролата над овој пустински град и да отворат пат за понатамошни напади врз упориштата на ИСИС во источниот дел на земјата.
Античкиот град, кој ИСИС го зазеде во мај 2015 година, е дел од светското наследство на УНЕСКО. Во него се сместени голем број извонредни антички споменици, како и голем број историски локалитети, кои беа уништени од џихадистите на ИСИС откако тие го зазедоа градот, меѓу кои беа и 2.000-годишниот Беловиот храм и Триумфалната капија.