(ВИДЕО) СО ПОЗДРАВ ДО ХОЛИВУД: Браќа маскирани како Трамп ограбиле десетици банки во Италија
Објавено во: Свет 24 Јули, 2017
Двајца криминалци со маски на претседателот на САД Доналд Трамп извршија серија кражби на банкомати во северната италијанска област Пиемонт пренесоа италијански медиуми.
Полицијата привела двајца осомничени за злосторствата. Зад решетки се браќата Лафоре - 26-годишниот Виторио и 30-годишниот Иван.
Според истражителите, тие се потомци на злосторник. Татко им одлежува доживотна затворска казна во затворот на островот Елба за убиство, извршено при грабеж.
Полицијата претпоставува дека браќата Лафоре ограбиле банкомати во десетици филијали на банки во Пиемонт. За да се снабдат со готовина, тие ги разбиле банкоматите со уред кој содржи 250 гр. експлозив.
Според експерти, полнеж со таква моќ може да доведе до делумно уништување на станбените згради, каде биле сместени уредите. Браќата се движеле меѓу населените места со моќни автомобили кои ги краделе. За да ги избришат трагите, ги ребрендирале автомобилите.
Тие ја позајмувале оваа тактика од познатиот филм „The Jackal“ во кој игра Брус Вилис. Сепак полицијата успеала да ги разоткрие и уапси.