Добивај вести на Viber
Претседателот Стево Пендаровски денеска ја потпиша наредбата за ангажирање на дел од армијата за обезбедување на болниците. Ваквиот предлог го даде Министерството за здравство, а Владата на седница донесе заклучок да се побара согласност од претседателот Стево Пендаровски.
„Врз основа на член 18 , став 1, точка 5 и член 28, од Законот за одбрана, како и генералната наредба за ангажирање на дел од Армијата на Република Северна Македонија во мирновремени услови, односно во услови кога не е прогласена кризна, вонредна или воена состојба, потпишав наредба Армијата да ангажира дел од силите и средствата како невооружени сили за извршување на задачи за поддршка на државните институции при справување со последиците од пандемијата на Корона вирусот.
Согласно наредбата, Армијата ќе ангажира сили и средства за медицинска поддршка на работата на здравствените установи и центри на Министерството за здравство, транспорт на заштитни и медицински средства и опрема. Армијата ќе помага и за обезбедување на магацински простор за складирање на заштитни и медицински средства и опрема, поставување на шатори и друг вид на сместувачки капацитети наменети за лекување на заболени лица, како и за дезинфекција на простории и површини“, објави шефот на државата.
Оретходно во резиденцијата на претседателот Пендаровски се одржа седница на Советот за безбедност на кој беа разгледувани решенија за ситуацијата со ескалацијата на позитивни случаи од Ковид-19 и намалувањето на бројот на слободни легла во болничките центри.