Владејачки партии во Грција должат 365 илјади евра за придонеси
Објавено во: Балкан 14 Октомври, 2013
365 илјади евра за придонеси за социјално осигурување во Грција заедно должат Нова демократија и ПАСОК, покажаа проверките спроведени во првата половина од годинава.
Одговарајќи на писмено пратеничко прашање, министерот за труд Јанис Вруцис соопшти дека проверките на неплатените придонеси во јуни откриле дека Нова Демократија должи нешто повеќе од 256 илјади евра, а ПАСОК има долг од повеќе од 109 илјади евра.
Двете партии ги должат парите на грчкиот главен фонд за социјално осигурување фонд, ИКА, кој од 2009 година бележи пад на приходите за околу една четвртина.