Владимир Панчевски денеска пред суд во Велес
Објавено во: Македонија 24 Јули, 2020
Владимир Панчевски, поранешниот претседател на Кривичниот суд, денеска за прв пат ќе се соочи со судот во Велес како обвинет за малверзации со АКМИС-системот, односно со делегирање на судии.
Ќе биде донесен од истражниот затвор во Шутка, каде што беше притворен откако не се појави на рочиштето на 10 јули, по што судијата кој го води случајот одреди притвор. Првото рочиште беше закажано уште лани во октомври, но обвинетиот не дојде на ниту едно до сега.
Во меѓувреме полицијата распиша потерница по Панчевски и го бараше пет дена пред тој сам да се пријави во скопскиот притвор.
Обвинет е дека влијаел во распределбата на вкупно 49 предмети.