ВМРО-ДПМНЕ ТВРДИ: Социјалните проекти на Заев се лага
Објавено во: Македонија 02 Март, 2020
Од ВМРО-ДПМНЕ тврдат дека сите проекти и ветувања кои ги дал претседателот на СДСМ, Зоран Заев за подобар живот на економски план се лага.
Тврдат деја социјалните проекти кои се ветени нема да се реализираат.
„Ако земеме во предвид дека Зоран Заев ветуваше просечна плата од 500 евра, плата за докторите од 100.000 денари, плата за медицинските лица 50.000 денари, минимална плата од 16.000 денари, јасно е според ова што не е остварено овој период, јасно е дека Зоран Заев се што вети денеска во делот на социјални проекти, нема да реализира апсолутно ништо и сето она што го говореше денеска се само лажни ветувања, како и се останато од паушални зборови исфрлени од ракав“, изјави портпаролот Димче Арсовски.
Го вперуваат прстот кон Зоран Заев затоа што Македонија не доби датум за почеток на преговори.
СДСМ ветува поголема грижа за социјално-ранливите категории граѓани доколку добијат уште еден мандат од граѓаните да ја водат државата.