Во Бугарија педагозите ќе се вакцинираат пред пензионерите
Објавено во: Балкан 04 Декември, 2020
Националниот план за имунизација против КОВИД-19 ќе трае во 5 фази во Бугарија, стана јасно од неговото претставување пред Советот на министри од страна на министерот за здравство Костадин Ангелов, кој објасни кои групи на население ќе бидатопфатени со програмата.
Во првата фаза за вакцинирање се лекарите, стоматолозите, фармацевтите и другиот персонал во здравствениот сектор. Според проф. Ангелов, станува збор за лица со највисок ризик. Ќе бидат вакцинирани 243.600 лица, вклучувајќи 30.000 лекари, 10.000 стоматолози, 6.600м фармацевти и други.
Втората фаза вклучува педагози, работници и жители на социјални институции и работници на фармите за ќивотни.
Третата фаза вклучува вработени во претпријатија за основните функции за јавниот живот како оние за снабдување со вода.
Во четвртата фаза се постари лица од 65 години и лица со хронични заболувања, а тоа се 1,8 милиони луѓе.
Последната петта фаза вклучува луѓе од ранливи групи поради нивниот животен стил
За спроведување на програмата Бугарија ќе биде поделена на 6 региони.