Во Германија 10 мигранти дневно стануваат жртва на напад
Објавено во: Свет 26 Февруари, 2017
Во Германија во последната година се регистрирани околу 3.500 напади врз бегалци и баратели на азил, или по 10 од нив се жртви на напад во еден ден, покажуваат податоците на германското Министерство за внатрешни работи.
При овие напади се повредени вкупно 560 лица, вклучувајќи и 43 деца, прецизира министерството.
Владата го осудува категорично насилството. Луѓето кои избегале од татковината и побарале заштита во Германија, имаат право да се надеваат на засолниште, наведува министерството.
Во 2016 година се извршени напади врз 988 центри за сместување на бегалци и баратели на азил.
Тука се забележува пад, откако во 2015 година се регистрирани над 1.000 напади од овој тип, додека во 2014 година овие случаи биле само 199.
Бројот на пристигнатите лица лани кои се кандидати за азил е намален значително - на 280 000 новодојдени.