Во овој град ќе „никне“ споменик на Милошевиќ
Објавено во: Балкан 09 Март, 2018
Активистите на организацијата „Слобода“ и младите активисти на СПС до градското собрание во Белград поднеле иницијатива за изградба на споменик на поранешниот српски претседател, Слободан Милошевиќ.
Иницијативата на градските власти им била врачена денеска напладне, а таа била доставена и до претседателството на Србија.
Тие бараат според поранешниот лидер на Југославија и Србија да се именуваат една улица и плоштад во главниот град, пишува „Вечерње новости“.
Подносителите на иницијатива веруваат дека Милошевиќ е еден од најголемите државници во историјата на модерна Србија, кој не дозволил никој да го понижи српскиот народ и ја бранел земјата од НАТО. Токму поради тоа тие се со став дека Србите имаат морална обврска да му се оддолжат на ваков начин.
На 11 месецов ќе се навршат 12 години од смртта на Милошевиќ. Неговото безживотно тело беше пронајдено во Хашкиот трибунал во ќелијата во 2006 година. Милошевиќ и членовите на неговото потесно семејство беа на листата со лица на кои им беше забрането да влезат во Европската Унија.