Во Струмичко гласање било прекинато 50 минути
Објавено во: Македонија 30 Септември, 2018
На гласачко место 1767, во село Рич, Општина Струмица, гласањето било прекинато во период од 50 минути затоа што УВ ламбите не функционирале, велат од граѓанската асоцијација МОСТ.
По интервенција на ОИК гласањето продолжило во 8.30 часот.
Според информациите од набљудувачите и регионалните координатори, отворени се сите гласачки места на кои МОСТ има распоредено свои набљудувачи и истите немаат проблеми при набљудување на процесот. Отворањето на гласачките места помина без регистрирани проблеми. Гласачкиот материјал е доставен на сите гласачки места, а уредувањето на гласачките места е на начин што ја запазува тајноста на гласањето.
,,Досега, забележано е на влезот во објектот во кој е сместено гласачкото место (ГМ) 0631, с. Прибилци, Општина Демир Хисар, има графит со навредлива содржина“- велат од МОСТ.
Граѓанската асоцијација МОСТ го следи денешното гласање со повеќе од 1.500 набљудувачи. На 1.160 гласачки места, избрани според случаен и репрезентативен примерок, распоредени се исто толку набљудувачи, со што се покриени 33% од вкупниот број на гласачки места во Република Македонија.
Набљудувачите на МОСТ се статични, и ќе го следат процесот на гласање во текот на целиот ден. Покрај тоа, МОСТ има и мобилни тимови, составени од по 2 набљудувачи, кои ќе служат за логистичка поддршка на статичните набљудувачи и ќе ги повремено ќе ги набљудуваат местата на кои МОСТ нема распоредено статични набљудувачи. Дополнително, 80 набљудувачи ќе ја набљудуваат работата на општинските изборни комисии, а ќе се набљудува и работата на Државната изборна комисија.
Во текот на денот, за граѓаните кои сакаат да пријават евентуални нерегуларности или да дадат информации поврзани со процесот, отворена е бесплатната телефонска линија 080 080 080″, се наведува во соопштението.
Можеби ќе ве интересира
„ПРОВОКАЦИЈА ОД СИЛЈАНОВСКА“: еве што пишуваат грчките медиуми по денешната свечена заклетва
„АКО Е ЈУНАК, ЌЕ УПАТИ РАСКИНУВАЧКА НОТА ДО АТИНА“: Ванковска со реакција по инаугурацијата на претседателката
„После ова издание на Евровизија, сметам дека донесов правилна одлука“: еве што вели Јаневска за познатата манифестација
ГРЧКАТА АМБАСАДОРКА ГО НАПУШТИ СОБРАНИЕТО ВО ЗНАК НА РЕВОЛТ - потегот бил договорен
„Ќе бидам претседателка и на левата и на десната страна“: Силјановска - Давкова и официјално претседателка - не користеше Северна во заклетвата
ДВЕ ЖЕНИ ОД СКОПЈЕ И СТРУМИЦА ЗАВРШИЈА ВО БОЛНИЦА ПО НАПРАВЕНИ СООБРАЌАЈКИ - добиле тешки повреди
ПРЕТСЕДАТЕЛСКИОТ ИМУНИТЕТ МОЖЕ ДА ГО ОДЗЕМЕ САМО УСТАВЕН СУД - еве какви обврски ќе има
ДЕНЕС ГО ПРЕЗЕМА ПРЕТСЕДАТЕЛСКО „СТОЛЧЕ“ : Сиљановска Давкова ја има задачата да им даде доверба на победниците на парламентарните избори
„ШО БИ РЕКОЛ ТАЧЕ: КОМУНИСТИЧКА РАБОТА, ЗАОСТАНАТА“ - Апасиев со посебна посвета на поранешниот премиер
