ВПЕРИЛ ПИШТОЛ ВО ПОЛИЦАЈЦИ - се гонел за неколку кривични дела
Објавено во: Македонија 03 Март, 2020
Вперил пиштол во полицајци кои го бркале, бидејќи се барал со потерница од Основното јавно обвинителство.
Откако тие испукале предупредувачки истрели во воздух, бил фатен и приведен во полициска станица.
Акцијата ја извеле полицајци од Единицата на интервентната полиција.
„На 02.03.2020 во 12.30 часот на бул. ‚Филип Втори Македонски' во Скопје, полициски службеници од Единицата за интервентна полиција го лишиле од слобода Е.Ш.(31) од с.Шишево, скопско, кој се барал по потерница од Основното јавно обвинителство Скопје за сторени кривични дела по член 123 и член 396 од Кривичниот законик. Е.К. бил забележан на булеварот и кога му бил даден знак за застанување тој извадил пиштол и го вперил во полициските службеници, по што тие испукале два предупредувачки истрели во воздух и набргу потоа тој бил фатен и приведен во Полициската станица Бит Пазар за понатамошна постапка“, се вели во соопштението од МВР.