Вработените во Македонски железници бараат Владата да им ги исплати платите-во спротивно најавија штрајк
Објавено во: Македонија 16 Февруари, 2017
Вработените во Македонски железници – Транспорт денеска ги запреа возовите во знак на протест поради неисплатени две плати.
Овој протест е втор годинава на вработените од ова претпријатие, а последниот беше во јануари.
Проблемот со Македонски железници – Транспорт се повторува веќе подолг период и вработените од сите хали ширум земјава, околу 200 работници денеска протестираа во кругот на Македонски железници – Транспорт.
Не штрајкуваат се уште, но оваа можност не е исклучена во блиска иднина а се зависи од раководството кое треба да им ја исплати демеквриската и јануарската плата.
Ѓорѓи Илиевски од синдикатот вели дека на последниот протест добиле ветување од раководството дека проблемот со исплатите ќе се реши, но за жал тоа не се случило.
Илиевски вели дека до овој протест дошло поради револт на вработените.
„Немајќи никакви средства за опстојување на семејствата ние дојдовме до ова дереџе да протестираме. Никој не зема во државата половина плата како што тоа се прави кај нас во Македонски железници – Транспорт“, вели Илиевски .
Ова врз железничкиот сообраќај ќе влијае неповолно.
Се додека не се дадат платите тие нема да работат.
Локомотивите на возовите кои од утрово сообраќаат не биле прегледани, со што и директно е загрозена безбедноста во железничкиот сообраќај и безбедноста на патниците а штом не се прегледани од нивна страна не смеат да се движат.
Застој има и ако не се најде соодветно решение од Владата и раководството на МЖ Транспорт протестот од утре ќе прерасне во штрајк.