ВРЕДИ ДА ГИ ПОСЕТИТЕ: Најевтините градови за викенд во Европа
Објавено во: Стил 06 Април, 2016
Овогодинешното истражување „Барометар за градски трошоци“ на „Post Office Travel Money“ ги стави во листата подостапните градови за викенд одмор во Европа.
Во листата се рангирани 35 града според 12 елементи за престој како што Тристепено мени со шише вино за двокреветна соба, две ноќевања во тризвезден хотел, туристички атракции и прошетки, цена на кафе, пиво и други прехранбени производи.
За целта на истражувањето се користени девизните курсеви од 10 март.
Цените на туристичките услуги се обезбедени од туристичките агенции, а за целта на онлајн студијата се споредени најевтините достапни двокреветни соби за патување за датумите 15-18 април.
Списокот со 13-те најдобри евтини европски градови започнува со Варшава, каде што за викенд за двајца ќе ви се потребни 113 евра. Двокреветна соба за двајца возрасни чини 54 евра, билетите за градскиот транспорт во просек 1,6 евра, 48-часовна карта за јавен превоз може да се купи за 4,5 евра.
Топ дестинацијата - Кралскиот дворец е со слободен влез. Тристепено мени за двајца со вклучено шише вино чини 28 евра, кафето е 1,9 евра, пиво - 1,5 евра.
Следува литванската престолнина Вилнус, каде дводневен престој ќе ви чини 115 евра. Првите три евтини европски градови завршуваат со Будимпешта, каде за време на викендот ќе ви се потребни 123 евра.
Останатите градови во рангирањето се Рига, Краков, Лисабон, Дубровник, Прага, Москва, Атина, Талин, Стразбур и Лил (Франција).
