Вучиќ тврди дека на Србија не и треба Охридска група

Добивај вести на Viber

Српскиот претседател Александар Вучиќдаде свое мислење за неодамна формираната Охридска група за поддршка на Македонија на евроатланскиот пат, која ја сочинуваат поранешни високи функционери и дипломати во ЕУ и НАТО.

Тој изјави дека таква група не е потребна на неговата земја и дека е доволно само граѓаните да се изјаснат за таа опција.

„Србија нема никакви аспирации за влез во било какви воени сојузи, па ни во НАТО. Доколку некоја друга власт и некоја друга Влада сакаат тоа да го сторат, сосем сум сигурен дека никаква група нема да им биде потребна. А, што се однесува до мене, не мислам дека тоа е патот на Србија и дека тоа е најдобриот пат на Србија“- истакна Вучиќ.

Вучиќ порача дека Србија нема да ја менува политиката, дека ќе има пријателски односи со Русија, да нема да и воведува санкции, дека нема да се зачленува во воени сојузи као што е НАТО и дека ќе се „држи до своите постулати и политика со кои земјата ќе оди забрзано напред со зачуваување на мирот и стабилноста, што е од најголемо значење.

Според него, политиката која денес ја води е најдобра, најмудра и најсигурна за Србија.