За Мицкоски СЈО е разочарување и завршена приказна
Објавено во: Македонија 07 Март, 2019
Лидерот на ВМРО-ДПМНЕ, Христијан Мицкоски во неговото гостување во Отворено на Алфа Телевизија изјави дека проектот Катица Јанева е завршена приказна затоа што СЈО не ги исполнило очекувањата за тоа што беше формирано и целосно ги разочара граѓаните.
За неговата средба со специјалната обвинителка, Јанева вели дека таа истата ја експлоатираше по медиуми, но не успеала да го убеди во нејзините капацитети.
„Можам да кажам дека СЈО не само што не ги оправда очекувањата кога беше формирано, туку напротив целосно ги разочара и тоа е јасно видливо и на анкетите и оние мерења на мислења на граѓаните какви мислење имаат тие за СЈО, чија алатка, во чии раце е СЈО и така натаму“, рече Мицкоски.
Вели дека нема да прифатат селективно да разговараме само за СЈО, туку сакаат договор за обвинител од надвор.