За првпат во Конгресот во САД се потврдува поддршката за Планот за автономија на Сахара
Објавено во: Мои пари 18 Октомври, 2018
Републиканскиот конгресмен Џо Вилсон (Joe Wilson), заедно со колегите Карлос Курбело (Carlos Curbelo), исто така републиканец, и демократот Гери Коноли (Gerry Connolly), го поднесоа првиот и досега единствен Предлог до Домот на претставниците, со што тие ги истакнуваат врските меѓу Соединетите Американски Држави и Кралството Мароко, осудувајќи ја соработката меѓу сепаратистичкото движење на Полисарио и Хезболах, како и обидите на Иран за дестабилизација на Северна Африка.
„Кралството Мароко беше првата земја која формално ги призна Соединетите Американски Држави во 1777 година и остана силен сојузник и партнер за мир на Блискиот Исток и Северна Африка”,истакнува конгресменот Џо Вилсон на неговата официјална веб-страница, истовремено осудувајќи ги неодамнешните активности на Полисарио, терористичката организација основана од Иран.
Поднесениот Предлог го критикува Иран за обезбедување„парична и други форми на поддршка на терористички организации како што се Хезболах, кои САД ги имаат означено како (...) странска терористичка организација”,со што се укажува на намерите на Иран и Хезболах за дестабилизација на Северна Африка, што е спротивно на целите за национална безбедност на САД.
Предлогот исто така ја потврдува поддршката на Планот на Мароко за автономија, кој се опишува како„сериозен, реалистичен и кредибилен“, што претставува чекор напред кон остварување на аспирациите на населението од Сахара да ги водат своите работи во мир и достоинство.
Текстот ги повикува Претседателот Трамп, Државниот секретар Мајк Помпео и Амбасадорот во Обединетите нации, да им помогнат на Обединетите нации за поддршка за мирољубив договор за окончување на конфликтот во Сахара, што е во согласност со позицијата на САД која планот за автономија го гледа како„сериозен, реалистичен и кредибилен“.