Добивај вести на Viber
Еден тон млеко и млечни производи, над 3 тони прехранбени продукти им подели на лицата од социјален ризик, невладината организација „Банка за храна“ во соработка со општина Центар во изминатиов период. За време на Велгден планирано е да се поделат уште околу 4 тони брашно, еден тон колачи и слатки и над два тони прехранбени производи.
Од општина Центар од каде несебично с евклучија во овој проект велат дека обезбедиле средства за приматели на социјална помош, семејства во социјален ризик, згрижувачки семејства, стари лица со минимални пензиски примања.
Почитувајќи ги сите мерки на претпазливост и препораките од надлежните институции, овие акции се спроведуваат етапно и со ограничен број на граѓани.
Производите ги донирале општествено одговорни компании на кои од општината им се заблагодаруваат.
Дополнително, Општина Центар во соработка со Здружението за поддршка и развој „Хуманост” формирале мобилни тимови за помош на сите возрасни лица над 60 години на територијата на Општина Центар, кои се изнемоштени и имаат влошена здравствена состојба.
„Можат да се јаваат на нашите телефони доколку треба да им се набават основни прехранбени продукти, апчиња или нешто друго. Општината во континуитет ги снабдува со оброци полициските станици на својата територија. За ова треба да се заблагодариме на неуморните пекари во нашата општина кои ги обезбедија оброците, велат од општина Центар.
Ова е една од општините кои имаат доста активности во овој период.