Заев: Приходите за семејство со двајца родители и деца ќе бидат 1.000 евра
Објавено во: Македонија 21 Октомври, 2016
Лидерот на СДСМ, Зоран Заев денеска од Штип порача дека во првите четири месеци по евентуалното преземање на власта, минималната плата ќе ја покачи на 12.000 денари! Тој изјави дека целта на неговата партија е во едно семејство со двајца родители и деца, приходите да бидат 1.000 евра месечно!
- Дополнително на ваквите приходи ќе изгенерираме политики коишто ќе ги враќаат парите назад кон граѓаните. Секој граѓанин ќе има право на поврат на 15% од данокот на додадена вредност којшто го плаќа буквално на сите сметки и на се што троши во државата. Тоа ќе овозможи просечно уште 30.000 денари приход само по основ на поврат на ДДВ!, потенцираше Заев.
Лидерот на опозициската партија увери ддека посиромашните ќе плаќаат помали јавни давачки а најзагрозените ќе бидат целосно ослободени од јавните давачки.
- Конечната цел е да ја вратиме средната класа, да им помогнеме на најсиромашните, народот наш да има пари. Ако народот има пари ќе живее и ќе се движи и чаршијата и во пазарот денеска ќе се продаваат земјоделските производи. Мораме да создадеме праведно општество, општество во коешто иднина ќе гледаат сите, изјави меѓу другото Зоран Заев.