Заев во училиште, а неговиот заменик Груби сними видео за првиот училишен ден
Објавено во: Македонија 01 Октомври, 2020
Сите мора да бидеме солидарни и да покажеме разбирање за пандемијата која ни се случи. Ако сите се придржуваме до мерките полесно ќе ја поминеме оваа училишна година и на тој начин ќе се погрижиме да го спречиме ширењето на вирусот, рече премиерот Зоран Заев кој на првиот ден од учебнатагодина присуствуваше во основното училиште Јан Амос Коменски.
Тој им порача на учениците кои присуствуваат настава со физичко присуство да ги почитуваат правилата.
„Вие, децата, веќе знаете што треба да правите – Постојано носете маски, одржувајте растојание со другарчињата и често миете ги рачињата. Ова да си го повторуваме секој ден, и секој ден да ги потсетуваме своите другарчиња. На тоа ќе ве потсетуваат и вашите наставнички и наставници, рече Заев.
Неговиот заменик во Владата, првиот вицепремиер Артан Груби пак за оваа прилика сними ново видео обраќање. Видеата на Груби се со посебно лого AG.
„Честитки за сите наставници, родители и деца за овој предизвикувачки почеток на учебната година, со надеж дека ќе биде полн со волја за стекнување ново знаење.
Среќна и здрава учебна година, напиша Груби.