Засега МВР без конкретни детали за напади од ИСИС-граѓаните прашуваат што е позадината?

Добивај вести на Viber

После предупредувањата во петокот е спроведена полициска акција за спречување најавени напади од ИСИС во повеќе градови.

Врз основа на проверени и доверливи, претходно разменети оперативни сознанија со „партнерските земји“ , во врска со опасности на спроведување потенцијални планови и намери за извршување терористички напади на територијата на Република Северна Македонија од припадници на радикални структури и нивни „логистичари“ од исламската ИД , полициските единици на МВР спровеле во петокот вечерта оперативно тактичка операција и рација на чистење на можни организатори и подготвени „бомбаши“.

Во спомнатата акија, како што беше пренесено од неколку медиуми се уапсени околу 20 припадници на Исламска држава. Без конкретни детали од МВР се прецизира дека акцијата е спроведена во неколку градови во земјава и дека е „запленета голема количина на оружје“.

Во соопштението од МВР се наведува дека „со цел спречување на терористички напад и остварување на превентивни функции МВР изработил план на мерки и активности, обезбедувајќи адекватни налози за нивно спроведување. По примени налози на повеќе локации на територијата на земјата се извршени пребарувања, одземање на предмети и уреди поврзани со можниот напад. МВР продолжува со спроведување на акцијата, стоеше во соопштението.

-Терористички организации и поединци, инспирирани ос екстремистичка идеологија, планираат да напаѓаат цивили, вклучувајќи и државјани на САД кои патуваат во странство. Терористите се повеќе користат несофистицирани методи за да нападнат луѓе на јавни места, вклучувајќи пиштоли, возила и остри предмети-стои во предупредувањето на сајтот на американската амбасада во Скопје.

Сите повратници од воените жаришта во Сирија, како што оценуваат безбедносни извори во Скопје, се голема закана во земјата и укажуваат дека „превоспитувањето“ на уапсените и осудени следбеници на Исламска држава, се речиси без никаков ефект.Тие и понатаму се „темпирани бомби“ а нивната ресоцијализација е скоро -невозможна.

За дел од медиумите пак, безбедносните експерти се со поделени мислења. Дел од нив велат дека пуштање на вакви информации без јасни детали предизвикува шпекулации во јавноста и паника кај населението, додека за други МВР постапило согласно предвидените практики за тајност на полициските акции.

Оваа вест во јавноста беше примена со страв но и негодување, додека многумина пак си го поставија прашањето дали можеби зад овие предушредувања се крие нешто друго.