Застој за влез во Србија на граничен премин Прешево
Објавено во: Балкан 29 Април, 2018
Застој има денеска за влез во соседна Србија.
Македонските гранични полициски служби при Граничниот премин Табановце добија известување од српска страна дека денес (29.04.) во периодот од 08,15 часот до 17,00 часот поради прекин на електрична енергија на Граничниот премин “Прешево“ (годишен ремонт), сообраќајот за камиони ќе биде во застој на влез и излез.
Според информациите од српската страна по однос на товарниот сообраќај ќе се води рачна евиденција за товарните возила така што за едно возило во просек ќе бидат потребни 15 до 20 минути, додека пак празните товарни возила ќе минуваат непречено.