ЗИМСКИ ПРЕОДЕН РОК: Колку ќе потрошат клубовите за нови фудбалери?
Објавено во: Економија 02 Јануари, 2019
Со почетокот на новата година, почна и зимскиот преоден рок за фудбалските клубови ширум светот. Ова е период во годината кога се истураат големи пари за да се донесе квалитетен играч, а потврда за тоа е фактот дека само во првите 24 часа беа потрошени скоро 300 милиони евра на трансфери.
Првиот голем трансфер во 2019 година го направи супер богатиот Челзи. Лондонскиот клуб на милјардерот Роман Абрамович плати 64 милиони евра за ѕвездата на Борусија Дортмунд, Кристиан Пулишиќ.
Вториот најголем трансфер го направи кинески Гуангжу Евергранде, кој на Бенфика и плати 19,2 милиони евра за Андерсон Талиска. Потоа следува трансферот на Амаду Хаидара, кој за 18 милиони евра премина од Салцбург во Лајпциг, додека Беник Афобе за 13,5 милиони го засили Стоук од Волверхемптон.
Внимание привлекоа и трансферите на Аргентинецот Максимилијан Мезе од Индепендиенте во Монтереј за 13 милиони евра, и трансферот на хрватскиот голман Ловре Калиниќ од Гент во Астон Вила за шест милиони евра.
Веќе се забележани повеке од 5000 трансфери, главно се работи за играчи кои биле слободни или порано ги имаат договорено своите нови агнажмани.