Зоран Заев добитник на признанието „Фридрих Еберт“, ќе добие и парична награда
Објавено во: Македонија 17 Јуни, 2020
Зоран Заев е добитник на овогодинешната награда за човекови права на Фондацијата „Фридрих Еберт“. Во план е наградата да биде доделена оваа есен во Берлин, објави Дојче Веле.
Актуелниот претседател на СДСМ и доскорешен премиер на Македонија го добива ова признание поради заложбите за мировна политика и склучувањето на Договорот за добрососедство со Бугарија во 2017 година и Преспанскиот договор со Грција во 2018 година.
„Зоран Заев се залага за слободно, отворено и социјално општество. Неговата решителна реформска политика не само што придонесе за мирот и стабилноста, туку и ја доближи Северна Македонија со големи чекори кон Европската Унија.“ нагласува Курт Бек, претседателот на Фондацијата.
Наградата за човекови права се доделува секоја година од 1994 година, а изнесува 10.000 евра и се доделува годишно. Минатата година наградата ѝ беше доделена на Мирјам Миранда, активист за правата на жените и заштита на животната средина од Хондурас.