Зошто Кинезите не сакаат јапонски автомобил?

Добивај вести на Viber

За време на глобалната криза на автомобилскиот пазар, побарувачката на автомобили во Кина продолжува да расте и во последните пет години претставува третина од вкупниот раст во автомобилската индустрија во светот. Минатата година просечната продажба на патнички автомобили и моноволуменци во САД и западна Европа е намалена за девет, односно 14% во однос на пред кризното ниво, додека во Јапонија беше на нивото од 2007 година, посочува консултантската куќа Аликс од Шангај во своето истражување. Од друга страна, продажбата на возила во Кина е повеќе од дуплирана на 18,6 милиони автомобили со што оваа земја стана најголемиот светски пазар на возила. Меѓутоа, јапонските произведувачи на автомобили пропуштија да го искористат таквиот развој на настаните. Големата тројка на јапонската автомобилска индустрија, Toyota, Honda и Nissan, забалежаа пад на уделот на кинескиот пазар со повеќе од една четвртина на вкупните 15% во првата половина од годината. Тоа е донекаде оправдано со  оглед на тоа дека јапонските компании се најдоа на удар на политичките тензии меѓу двете азиски економии. Страстите се разгореа во Септември во Кина, откако јапонската влада ги купи спорните острови во источното кинеско море од нивниот приватен сопственик. Јапонските автомобилски компании кратко прекинаа со производство во Кина по нападот на демонстрантите врз нивните автомобили и продажни објекти. -          Во старт останавме со 50% помала продажаба, вели извршниот директор на Nissan, Карлнос Госн. Неговата компанија се уште го нема повратено уделот од 7,7% на кинескиот пазар, кој го имаше пред почетокот на тензиите врзани со островите. Продажбата на возилата на Toyota исто така забележа остар пад, а таа компанија беше приморана привремено да го намали производството во некои фабрики дури и за 60%. Лидерите на јапонскиот автомобилски пазар признаваат дека сериозноста на инцидентот ги изненадила, бидејки во минатото гео-политичките проблеми помеѓу двете земји не влијаеле сериозно на производството и продажбата. -          Најголем проблем имаат дилерите. Ако пордажбата паѓа или ви ги кршат прозорците на продажните салони на секој три или четири години поради некое глупаво политичко прашање, се прашувате дали треба да продолжите да работите, вели Иво Науман од Аликс. Во 2008 година, Toyota поседуваше 10% од кинескиот пазар и беше втора нај продавана странска марка на автомобили, по Volkswagen. Меѓутоа, по глобалната финансиска криза, компанијата го запре ширењето во Кина. Повеќе од 100 производители на автомобили работат во Кина, вклучувајки ги и сите големи меѓународни компании. -          Тие ќе го повратат пазарниот удел. И понатаму ова се моќни комапнии кои имаат одлични возила, вели Науман. К.К