Зошто Мите Макоил утна со катните гаражи?
Објавено во: Економија 06 Јули, 2018
Три катни гаражи во градското јадро на Скопје остануваат нефункционални, затоа што бизнисменот Мите Јовановски го изгуби ентузијазмот да управува со истите. Изградбата на катните гаражи на атрактивни локации ја опиша како лоша авантура од која не видел добивка.
- Се соочував со нелојална конкуренција од Градски паркинг, а исто така Град Скопје ми испаќаше голема сума за комунална такса која, според моја пресметка, требав да ја плаќам во износ од 10 насто од вкупната добивка, што за мене тоа претставува одземање на личниот профит, бидејќи не станува за јавна површина туку за приватна. Доколку некој понуди 3.000 евра месечна кирија, или 4.500.000 евра за купување, подготвен сум да ја отстапам. Како дополнителна причина е неможноста да ја пренаменам за друга бизнис-дејност. Кога ќе се соберат трошоците за ДДВ, вработени и одржување, изгледа како тотално неисплатливо - вели трговецот со дериватни горива во разговор со „Фактор“.