Зошто Венецуела ги загрижува западните лидери?
Објавено во: Свет 23 Февруари, 2019
Западните лидери не знаат што да прават со Венецуела, a сѐ зависи од војската.
„Лидерите на државите од западната хемисфера проценуваат дали треба да ја засилат помош на Венецуела или да ги заострат снакциите за на самитот во Богота следната недела да го изолираат претседателот Николас Мадуро“, изјави висок функционер од американската администрација.
Венецуела и САД сѐ уште расправаат за статусот на американските дипломати во Каракас пред истекот на рокот кој Мадуро го постави за нивно заминување следната недела, соопшти вчера венецуелскиот министер за надворешни работи.
На прес конференција во Обединетите нации, шефот на венецуелската дипломатија Хорхе Ареаза изјави дека венецуелски претставници ќе се сретнат со специјалниот американски претставник за Венецуела, Елиот Абрамс за да разговараат за тоа прашање.
САД ги осудува акциите на венецуелската војска и соопштија дека „светот гледа“ како војниците застрелаа двајца волонтери кои се обидувале да ја отворат границата за да дозволат да влезе хуманитарна помош.