Бектеши реагира: Не сме посочиле дека може да се организираат свадби

Добивај вести на Viber

Во нашиот одговор никаде не е посочено дека субјектот може да организира свадби, крштевки и слично, туку напротив укажано е дека не смеат да организират такви настани, реагираат од Министерството за економија. Фактор објави дека Министерот за економија Крешник Бектеши

потврдно одговорил на барање за организирање на таканаречена  „организирана вечера“ со послужување на храна на угостителски објект во Скопје.  

Во одговорот стои потсетување дека е забрането да се организираат свадби, крштевки и родендени, што е во согласност со сите одлуки на Комисијата за заразни болести и на Владата, но за здравствените власти спорна е затоа што кога се дава дозвола за таканаречена организирана вечера, тоа само официјално не мора да се вика свадба, а може да биде вечера на која ќе присуствуваат и повеќе од 100 луѓе.

„Исто така во координација со Државниот пазарен инспекторат сме информриани дека истиот објект по извршен увид е констатирано дека не ги почитувал протоколите и организирал крштевка за што се преземени соодветни мерки и истиот објект е затворен и казнет согласно Законот, стои во реакцијата од Министерството за економија. 

Оттаму додаваат дека до Министерство за економија како надлежно министерство за развој на туристичко/угостителскиот сектор секој ден пристигнуваат дописи и барања од страна на угостители кои бараат објаснувања или мислење по однос на вршењето на дејноста.

„Во конкретниот случај угостителскиот објект се има обратено до Министерство за економија со барање на мислење на кое од наша страна точно, јасно и прецизно му е одговорено согласно Законот и Протоколите за работа на угостителските објекти за послужување на храна кои се на сила во нашата држава донесени од страна на Владата на Република Северна Македонија, пишуваат вод ресорот на Бектеши.

Тврдат дека како одговор е наведено дека угостителските објекти за исхрана може да послужуваат храна на гости доколку ги имаат спроведено сите потребни мерки во согласност со Протоколот за отворање и работа на угостителски објекти за исхрана донесен од Владата на Република Северна Македонија, впрочем како што објави и Фактор.