Без да знае возачот десет мигранти се качиле во камион кој возел материјал за „Саса“
Објавено во: Македонија 21 Октомври, 2022
Mигранти се качиле во камион кој носел материјали за рудникот „Саса“.
Десет мигранти се најдени во камион со кој бил донесен материјал за рудникот „Саса”. Тие без знаење на возачот се качиле во камионот, кој имал грчки национални ознаки.
„На 20 октомври 2022 во 14.55 часот во Полициското одделение Македонска Каменица било пријавено дека во товарно возило со грчки национални ознаки, со кое бил донесен материјал за рудникот „Саса”, биле пронајдени десет лица мигранти, од кои пет мажи и пет жени. По преземени мерки било констатирано дека мигрантите без знаење на возачот се качиле во камионот“, објави полицијата.
Мигрантите се спроведени во прифатно-транзитен центар за понатамошна постапка. Полицијата работи на расчистување на случајот.