Бизарна економија: Во Иран фабрика произведува знамиња за палење
Објавено во: Свет 31 Јануари, 2020
Иранската фабрика произведува најмалку 2.000 американски и израелски знамиња месечно, кои редовно ги палат демонстрантите. Фабриката се наоѓа во градот Хомеин, југо-западно од Техеран, и има рачно изработени знамиња од нејзините вработени, јавува Ројтерс.
Најголемата иранска фабрика за знамиња е во постојан раст, бидејќи произведуваат и американски, британски и израелски знамиња чија намена е потоа да бидат спалувани од ирански демонстранти.
Во клима на засилени тензии меѓу САД и Иран, особено откако во американската акција беше убиен високиот воен командант Касем Сулејмани, демонстрантите редовно ги палат знамињата на овие држави на митинзите и протестите.